Sean de Guzman tuloy-tuloy sa paghataw ang career, sumabak na rin sa pagnenegosyo

ALAM MO NA!
ni Nonie Nicasio

PATULOY ang magandang takbo ng showbiz career ng guwapitong si Sean de Guzman.

Palabas na ang pinagbibidahan niyang pelikula sa Vivamax titled Fall Guy. Mula sa award-winning director na si Joel Lamangan, dito nanalo ng dalawang acting trophy si Sean, both as Best Actor sa Chithiram International Film Festival sa India at sa Anatolian Film Awards sa Turkey.

Co-stars dito ni Sean sina Vance Larena, Quinn Carrillo, Tiffany Grey, Marco Gomez, Tina Paner, Glydel Mercado, Hershie de Leon, Shamaine Buencamino, Cloe Barreto, Jim Pebanco, at iba pa.

Ang next na aabangan sa kanyang pelikula ay ang A Cup of Flavor ni Direk Ma-an Asuncion Dagñalan, pati na ang Sa Kanto ng Langit at Lupa ni Direk Joel Lamangan.

Samantala, niluluto na ng kanyang very supportive at mabait na manager na si Ms. Len Carrillo ang next project ng aktor. Ito ay pamamahalaan ni Direk Louie Ignacio na pinamagatang When The Night Is Young sa Viva One.

Ipinahayag ni Sean na happy siya sa nangyayari sa kanyang career, ngayon.

Aniya, “Siyempre po nakakatuwa and nakaka-proud din, siyempre dapat na nag-iimprove tayo sa ginagawa natin. Ayaw ko naman pong ma-stuck sa image na sexy.”

“Yes po, puwede naman tayo sa pang-wholesome at pang-sexy na projects,” nakangiting dagdag pa ni Sean.

Nalaman din namin kay Sean na nag-aaral siya ng culinary ngayon at sumabak na rin siya sa pagnenegosyo.

“Six months din akong nagpahinga, nag-aaral po ako ngayon ng Culinary, short course lang po. Sa ngayon ang iniluluto ko sa bahay lang ay adobo at sinigang. Preparation din po ito dahil balak kong magtayo ng restaurant,  Sa ISCAHM (International School for Culinary Arts and Hotel Management), po ako nag-aaral.”

“Tapos, nagtayo po kami ng Goto Baby, Ihawan sa Town. Actually business iyon ni Mama, pero tinulungan ko si Mama sa pagpapatayo ng business, para may ginagawa na rin si Mama.

“Iyong T-shirt (business), ibinalik ko na po, may ilalabas akong mga T-shirts, nasa production na iyong mga T-shirt at very soon ay magiging available na siya online,” kuwneto pa sa amin ni Sean.