HATAW! D'yaryo ng Bayan hatawtabloid.com
Arestado ang isang most wanted person na may kaso ng maramihang pang-aabuso sa isinagawang manhunt operation ng Bulacan police sa Iloilo City kamakalawa.
Sa ulat mula kay PColonel Relly B. Arnedo, provincial director ng Bulacan PPO, ang mga tauhan ng San Jose del Monte City Police Station (CPS) katuwang ang mga elemento mula sa RIU-6, PNP AKG Visayas Field Unit, Ilo-ilo Satellite Offfice, Balasan MPS, Sta. Barbara MPS, Ilo-ilo PPO, PRO6 RMFB6, 601st COY at Ilo-ilo 1st PMFC ay nagsagawa ng manhunt operation sa Brgy. Ipila Balasan, Iloilo City.
Sa inilatag na intel driven operation ay naaresto si Roneto Boholano, 41, na No.1 Most Wanted sa city level ng SJDM City at Provincial level 2nd Most Wanted sa kanyang pinagtataguan sa Brgy. Ipil, Balasan, Iloilo City.
Si Boholano ay may outstanding warrants of arrest para sa krimeng Rape, Acts of Lasciviousness at 37 counts ng Sexual Assault alinsunod sa Section 5(b) ng R.A. 7610 na walang itinakdang piyansa ang hukuman para siya ay makalayang pansamantala.
Matapos sampahan ng maramihang kaso ng pang-aabuso sa Bulacan ay nagtago ang akusado sa Iloilo City kung saan siya natunton ng mga awtoridad na nagresulta sa kanyang pagkaaresto. (Micka Bautista)
