Vice Ganda at Boobay sinuportahan pelikula nina Lassy, MC, Chad Kinis

RATED R
ni Rommel Gonzales

BONGGA sina Lassy, MC, at Chad Kinis dahil ang dalawang gay icons ng GMA at ABS-CBN ay kapwa dumalo sa premiere night ng kanilang pelikulang Beks Day Of Our Lives sa Cinema 2 ng SM Megamall nitong Lunes, May 15.

Ang tinutukoy namin ay ang Kapusong si Boobay at ang Kapamilyang si Vice Ganda.

Bukod sa dumalo ay pinanood at tinapos nina Boobay at Vice Ganda ang pelikula na first directorial job ni Chad Kinis para sa Viva Films.

Parehong busy sa kani-kanilang karera sina Boobay at Vice kaya ang akala namin ay sa umpisa lamang ng programa ng premiere night sila mananatili at aalis din kapag sinimulan na ang pelikula (tulad ng ginagawa ng ilang mga artista), pero hanggang sa matapo ang movie ay naroroon sila.

Matino at maayos ang pelikula, may patawa, may paiyak, at kung ano-ano pa.

For a first-time director, naitawid naman ni Chad Kinis ang Beks Days Of Our Lives.