HATAW! D'yaryo ng Bayan hatawtabloid.com
ALAM MO NA!
ni Nonie Nicasio
NAGBALIK-TANAW ang Pinay R&B singer na si Tiana Kocher kung paano siya nagsimula sa international music scene. Actually, aksidente raw na nadiskubre siya habang kumakanta sa beach.
Kuwento ni Tiana, “I’ve been singing since I was a kid but about 6 or 7 years ago, I came home, I went to the North with my mom on the beach.
“There was this guy in the beach with guitar and so my mom was like, ‘Go sing with him.You’ll never know. Just go sing with him’.”
Naging viral ang video at naging susi ito para magka-interes sa kanya ang ilang producers sa LA.
“So, we started jamming and my mom filmed and uploaded it on Facebook and it went viral. A few producers from LA came across it on Facebook and asked if I can go to LA and that is how it all started,” aniya pa.
Nagpa-sample si Tiana nang husay sa musika sa mga member ng entertainment media sa ginanap na presscon nito sa Delimondo Cafe. Dito’y nakita namin kung gaano siya ka-talented.
Isa sa mga kinanta ni Tiana ang latest single niyang “Slow It Down.”
Si Tiana ay graduate sa prestigious entertainment school na Full Sail University ng bachelor’s degree in Music Business. Mayroon din siyang associates degree sa Musical Theater mula sa Cambridge School of Visual and Performing Arts. Bahagi siya ng Grammy U pati na rin ang National Society of Collegiate Scholars.
Bukod sa pagiging trained actress. may bronze and silver Shakespeare awards din siya sa Royal Academy of Dramatic Arts.
Noong Abril 2020, nakipag-partner din siya sa TikTok para sa kanyang “Don’t Trip challenge” na nakalikom ng pondo para sa Philippine at American Red Cross.
Ang talented na singer-songwriter na si Tiana ay nakapagtala na ng more than 6 million views sa iba’t ibang social media platforms. Ang debut single niyang “Just My Type” ay nag-land sa top 40 indie chart, samantalang ang follow up na “Paint The Town” at “Swing Batter” ay ginamit sa Ciroc commercial para sa Hollywood movie na “What Men Want.”
Ang kanya namang record na “U Tried” ay iprinodyus ng 4-time Grammy nominated record producer na si RoccStar.
Naka-collab na rin niya ang Grammy-award winning recording artists tulad nina TLC, Faith Evans, Sage the Gemini, Aj Mclean ng Backstreet Boys, Citizen Queen, Bobby V, ASAP Rocky at Latin artist J.Alvarez. at iba pang multi-award winning songwriters sa mainstream pop and RnB.
Nagkaroon na rin siya ng pagkakataong makatrabaho ang several major brands tulad ng McDonalds sa kanilang pinakabagong Golden Arch cafe series, Ethika, Jaded Ldn, Pretty Little Thing, Nasty Gal, Pixi Beauty, Dossier at sa Lebron James’ company na Springhill.
Incidentally, si Tiana ay anak ni Katrina Ponce Enrile at lolo niya ang dating senador na si Juan Ponce Enrile. Kaya lola rin niya ang yumaong veteran actress-singer na si Ms. Armida Siguion Reyna.
Aminado naman si Tiana na gusto rin niyang subukang maka-penetrate sa local music industry.
Sambit ng dalaga, “I’ve always been back and forth. It just so happened that I’m home now for the released single.
So why not make it a big thing and show to the American market that there are competitors in the Philippines? That there’s a lot of talent that we could also show in the US and the Philippine market.”
Nalaman din namin sa naturang presscon na nahasa ang singing at acting abilities ni Tiana sa Repertory Philippines, kaya naman game rin siyang subukan ang pag-arte sa pelikula at TV.
