HATAW! D'yaryo ng Bayan hatawtabloid.com
Isang matagumpay na operasyon ang naisagawa ng pulisya sa Bulacan matapos maaresto ang isang babae na kabilang sa most wanted person at dalawa pang may kasong kriminal sa lalawigan kamakalawa.
Ayon sa ulat na ipinadala kay PColonel Relly B. Arnedo, provincial director ng Bulacan PPO, si Melanie Robles, 40. isang negosyante mula sa Brgy. Balite, Malolos City, ay naaresto ng mga tauhan ng Malolos City Police Station (CPS).
Si Robles ay kinilala bilang Top 7 Provincial Level-Most Wanted Person ng Bulacan at wanted para sa krimeng Lascivious Conduct under Section 5 ng R.A 7610.
Samantalang ang Bulakan at Norzagay MPS ay nagsagawa ng pursuit operations upang mahuli ang mga wanted na kriminal, na nagresulta sa pagkaaresto ng dalawang indibiduwal.
Si Timothy William Domingo ay arestado para krimeng Frustrated Murder, samantalang si Rudy Pequero Jr. ay nadakip para naman sa kasong Robbery.
Gayundin, ang mga operatiba mula sa Bulacan CIDG at Hagonoy, San Rafael, SJDM, Marilao, San Miguel, at Malolos C/MPS ay arestado ang walo pang kriminal na wanted sa iba’t-ibang paglabag sa batas.
Ang pagdakip sa mga akusado ay isinagawa matapos na ang korte ay maglabas ng warrant of arrest laban sa kanila.(Micka Bautista)
