Derrick nagayuma ng isang kaibigan 

RATED R
ni Rommel Gonzales

KAKAIBA ang istorya ng Magpakailanman ngayong Sabado dahil isang lalaki ang manggagayuma ng mag-asawa.

Si Derrick Monasterio ay si Elmer, isang magsasaka na mapapasailalim sa gayuma ng katrabaho niya.

“It’s unique,” kuwento ni Derrick. “Kakaiba siya kasi ‘yung story niya, ginayuma. Siyempre hindi pa naman ako ginagayuma in person so para rin talaga akong na-immerse sa mga albularyo. Iba rin talaga ‘yung mga effect, goosebump.”

Si Elle Villanueva naman ay si Dessa, asawa ni Elmer na maaapektuhan din ng gayuma.

“Noong una na-challenge talaga ako kasi ‘yung paggagayuma, medyo bago siya sa akin. Doon ako nag-research about the story and the character. And ‘yung pagiging gender fluid, ang daming factors kung paano mo ilalaro ‘yung role na ‘to,” kuwento naman ni Elle.

Si Kristoffer Martin naman ang gaganap bilang si Raul, ang lalaking manggagayuma kina Elmer at Dessa.

“Na-excite lang ako roon sa thought na parang mastermind ako rito, parang may lihim siya sa loob. The fact na true to life ‘to, may ganito talagang naganap, mas nakaka-excite siyang gawin,” pagbabahagi naman ni Kristoffer.

Makakawala ba sina Elmer at Dessa mula sa gayuma ni Raul? Paano nito maaapektuhan ang relasyon nila bilang mag-asawa?

Abangan ang kakaibang kuwentong ‘yan sa brand new episode na Mag-asawa, Ginayuma, April 29, 8:00 p.m.sa #MPK sa GMA.

Naka-livestream din nang sabay ang episode sa GMANetwork.com, sa YouTube account ng GMA Network at sa Facebook at TikTok accounts ng #MPK.