Sa mga lungsod ng Angeles at Olongapo
DALAWANG PUGANTE NALAMBAT

Dalawang indibiduwal na kabilang sa most wanted person ang arestado ng pulisya sa magkahiwalay na operasyon sa mga lungsod ng Angeles sa Pampanga at Olongapo sa Zambales.

magkasanib na operating troops ng Olongapo CMFC at iba pang concerned police units ang unang naglatag ng manhunt operation sa Brgy. Apalit, Floridablanca, Pampanga.

Ito ay nagresulta sa pagkaaresto kay Alex Yabut y Serrano sa bisa ng Warrant of Arrest para sa kasong Murder na inilabas ni Judge Richard A. Paradeza, Presiding Judge, Branch 72, Olongapo City Zambales na walang itinakdang piyansa.

Sumunod dito, ang mga operatiba ng Police Station 3- Angeles CPO ay nagsilbi rin ng warrant of arrest laban kay Angelo Dinio y Bengco sa Brgy.. Pulung Maragul, Angeles City para sa kasong Rape na inilabas ni Judge Katrina Nora S. Buan-Factora, Presiding Judge, Branch 10, Angeles City na wala rin itinakdang piyansa. (Micka Bautista)