Cindy Miranda epektibo ang pagpapatawa

RATED R
ni Rommel Gonzales

NAPANOOD din namin, sa red carpet premiere rin, Ang Adik Sa ‘Yo ng Viva Films.

Wholesome ang pelikulang pinagbibidahan nina JM de Guzman at Cindy Miranda although may tema ito ng droga.

Kitang-kita sa screen ang maturity ng pisikal na kaanyuan ni JM na lalong nakadagdag sa yumminess niya, bukod pa nga ang ilang beses niyang eksenang wala siyang suot na pang-itaas, kita ang kanyang katawang walang bilbil at may mga tattoo.

Katulad sa mga nakaraan

niyang pelikula, ipinamalas ni JM ang husay niya bilang aktor, at kahit hindi sinasadya, nandoon pa rin ang pagpapakilig ni JM sa kanyang mga female and gay fans.

Panay nga ang tilian sa loob ng Cinema 2 

ng mga gay fan ni JM lalo na kapag shirtless scenes na niya ang nasa screen. 

Karamihan sa kanila ang pumuno sa Cinema 2 ng Megamall making the premiere a success.

Nagulat kami kay Cindy dahil kaya niyang magpatawa onscreen sa unahang bahagi ng pelikula at magpaiyak sa bandang huli.

At muli na naman naming napansin ang malaking pagkakahawig nina Cindy at Sanya Lopez.

At si Candy Pangilinan, komedyana pero nagdrama siya sa pelikula, at naitawid naman niya.

Happy di  kami na mapanood sa Adik Sa ‘Yo ang Facebook friend naming hunk actor na si Mike Liwag although medyo hindi kami happy dahil walang hubad na eksena siya sa pelikula.

Sa direksiyon ni Nuel Naval, palabas na ngayon sa mga sinehan ang Adik Sa ‘Yo.