Sofia tanggap na ng netizens pagkakaroon ng ka-loveteam

I-FLEX
ni Jun Nardo

ALAM ng Sparkle loveteam na sina Sofia Pablo at Allen Ansay na hindi forever ang kanilang loveteam.

Pero nakatulong ang loveteam nila para mapansin ng Derm Clinic at dalawa sila sa kinuhang latest endorsers pati na GMA artist na sina Derrick Monasterio, Elle Villanueva, at beauty queen Kelly Day.

Katatapos lang nila ng Love Is: Caught In His Arm at may follow up na silang series.

May relasyon na ba sila?

“Ha! Ha! Ha! We’re very close friends po. Ha! Ha! Ha!” natatawang sagot ni Allen.

Sa natapos nilang series, natutuwa si Sofia kay Allen dahil kahit galing siya sa isang probinsiya sa Bicol, puwede pa rin siyang gumanap bilang mayaman at Inglisero.

Malapit nang maging 17 years old si Sofia. Eh kung noong 13 years old pa lang, nakatatanggap siya ng hate comments na ke bata-bata pa lang, may loveteam na.

Pero ngayon, “Nawala na po ‘yung ganoong ccomments dahil naintindihan na nilang trabaho lang po ‘yung ginagawa ko!”