Camile masaya pa rin ang childhood kahit maagang napasok sa showbiz

BAGAMAT maagang napasok sa showbiz si Camille Prats hindi naman siya pinagkaitan ng msayang kabataan.

Ito ang iginiit ni Camille sa panayam sa kanya ni Boy Abunda sa programang Fast Talk with Boy Abunda.

Ani Camille bagamat maaga siyang pumasok sa showbiz nagkaroon pa rin siya ng masayang childhood.

“Alam mo Tito Boy noong bata ako palagi kong naririnig ‘yun sa mga tao around me, especially sa may mga edad na ‘Kawawa ka naman kasi ang bata bata mo pa nagtatrabaho ka na. Hindi normal ang childhood mo. That’s what I would normally hear from people,” ani Camille nang matanong ni Kuya Boy kung pakiramdam niya ay pinagkaitan ba siya ng kabataan lalo’t maaga siyang namulat sa pagtatrabaho.

Grateful din siya ani Camille sa mga karanasan niya sa showbiz.

“But to be honest Tito Boy, I had a very unique childhood. Totoo ‘yon na hindi ko man naranasan ‘yung kung ano ba ‘yung normal na childhood para sa karamihan, but I would like to think na ‘yung buhay na ibinigay sa akin ng Diyos is the life He really wanted for me,” anang kapatid ni John Prats.

Itinuturing din ni Camille na blessing ang pagiging artista dahil bata pa man ay gustong-gusto na niyang mag-artista. Kaya nga sinubok niya ang kanyang suwerte   sa Little Miss Philippines ng Eat Bulaga na nagbukas ng pintuan para matupad ang pangarap.

“Hindi siya kapareho ng iba, unique siya, but I had so much fun. I loved what I was doing, even until now I’m so grateful to be in the business for 30 years,” sambit pa ni Camille. (MVN)