HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
SA panahon ngayon, hindi ka talaga dapat naniniwala agad-agad sa mga nakikita sa social media. Madalas kasi marami ang fake news. Tulad na lamang itong kumalat na poster ng bagong show na umano’y papalit sa Eat Bulaga, ang Wow Bulaga.
Alam naman nating may internal problem ang Eat Bulaga kaya naman maraming balita ang lumalabas.
Noong Lunes nilinaw ng King of Talk sa kanyang Kapuso program na Fast Talk with Boy Abunda ang balita tungkol sa Wow Bulaga poster.
Ipinakita ni Kuya Boy ang poster na kumakalat sa social media na nakasulat ang “Ang Bagong Barkada sa Tanghali!” kalakip ang logo ng GMA-7 at Television and Production Exponents (TAPE) Inc.
Nasa sentro naman ang picture ni Wowowin host Willie Revillame kasama sina Allan K, Jose Manalo, Wally Bayola, Bretman Rock, Miguel Tanfelix, Tyronia Fowler, at Rosmar Tan na sinasabing magiging hosts sa rebranded noontime show.
Agad nilinaw ni Kuya Boy na hindi totoo ang kumakalat na poster. Aniya, “Nais lamang sabihin ng aming source, isang mapagkakatiwalaang source po rito sa GMA 7, that this poster is not true. This is a fake poster. ‘Yun ang pagkakasabi. Hindi po ito totoo.”
Sinabi pa ng magaling na host na hintayin ang pahayag ng pamunuan ng programa at ng Kapuso Network hinggil sa isyu.
“I want to make a stand, mayroong pinagdaraanang challenges ang ‘Eat Bulaga’ pero antayin po natin ang kanilang official statement, ang official statement po ng GMA-7 para malaman po natin ang buong kuwento, ang katotohanan so we can stop speculating,” sabi pa ni Kuy Boy.
Nitong mga nagdaang araw, kumalat ang balita na nakararanas ng internal problem ang naturang noontime show. Hanggang sa kumalat ding mag-aalisan sina Tito, Vic, at Joey para sumama kay Mr. Antonio Tuviera.
Nadamay din ang Wowowin host na si Willie na sinasabing papalit sa TVJ bilang main host ng programa.
Bukas ang aming pahayagan para sa pahayag ng TAPE Inc., at GMA-7 para sa ikalilinaw ng usaping ito.
