Tuesday , March 18 2025
Bongbong Marcos Japan

$13-B investment, 24k trabaho, nakalap ni FM Jr., sa Japan trip

AABOT sa US$13-bilyon ang ilalagak na puhunan ng mga Japanese corporation sa Filipinas na lilikha ng 24,000 trabaho ang iniulat na bitbit ni Pangulong Ferdinand R. Marcos, Jr., mula sa kanyang limang araw na official trip sa Japan.

“Key private sector representatives were with me and engaged with Japanese industry giants to seize the economic opportunities now present in the Philippines. Coming back, we carry with us over USD 13 billion in contributions and pledges to benefit our people, create approximately 24,000 jobs, and further solidify the foundations of our economic environment,” sabi ng Pangulo sa kanyang arrival statement sa Villamor Airbase sa Pasay City kagabi.

Nangako, aniya, ang Japan na magkakaloob ng development loans para sa North South Commuter Railway para sa Malolos-Tutuban at sa North South Commuter Railway Project Extension na nagkakahalaga ng JPY 377 bilyon o US$3 bilyon.

Ipinagmalaki ng Pangulo ang makasaysayang bilateral meeting nila ni Japanese Prime Minister Fumio Kishida na aniya’y  “bound by shared values and common aspirations for our peoples.”

               “We committed to further strengthen the strategic partnership between the Philippines and Japan and mapped out a transformative, future-oriented partnership that is responsive to new developments,” anang Pangulo.

               Pinagtibay ng Filipinas at Japan ang relasyon sa larangan ng deoensa at seguridad, agrikultura, at  information and communications technology (ICT) sa paglagda sa mga bilateral agreement na nagbigay ng “framework for enhanced mutually-beneficial collaborations in many areas.”

Kaugnay nito, nilagdaan ng negosyanteng si Manny Pangilinan at major Japanese investor Mitsui & Co., ang kasunduan na mag-commit ng US$600 milyong dolyar para sa infrastructure development sa Filipinas.

“We signed an agreement with Mitsui and several parties and management to commit to investing $600 million in the infrastructure,” sabi ni Pangilinan sa isang dinner sa Tokyo kasama si FM Jr.

Nais ng Mitsui & Co., mamuhunan sa priority sectors ng administrasyong Marcos partikular sa agriculture, infrastructure, at renewable energy. (ROSE NOVENARIO)

About Rose Novenario

Check Also

Para sa ABP Partylist Benepisyo at seguro para sa bombero dapat isulong

Para sa ABP Partylist  
Benepisyo at seguro para sa bombero dapat isulong

SINO ang sasagip sa mga tagapagligtas nating bombero kapag kaligtasan at buhay nila ang naging …

Ailleen Claire Olivarez Paulo Cornejo

Chief Political Officer ng kandidatong mayor tinangkang kidnapin, kumasa

NABIGO ang tatlong hindi kilalang lalaki na nagtangkang mangkidnap sa political officer ni Parañaque mayoral …

TRABAHO Partylist, may malasakit sa mga kababaihang nasa laylayan ng lipunan

TRABAHO Partylist, may malasakit sa mga kababaihang nasa laylayan ng lipunan

MULING pinagtibay ng TRABAHO Partylist ang kanilang pangako na tugunan ang mga sistematikong balakid na …

Para sa mga bomber TRABAHO Partylist, nanawagan ng mas mataas na sahod at maa

Para sa mga bombero
TRABAHO Partylist, nanawagan ng mas mataas na sahod at maayos na kondisyon sa trabaho

NGAYONG paggunita ng Fire Prevention Month sa buwan ng Marso, nanawagan ang TRABAHO Partylist para …

FPJ Panday Bayanihan partylist

Proteksiyon sa Frontliners hangad ng FPJ Panday Bayanihan partylist

ISUSULONG ng FPJ Panday Bayanihan partylist ang Good Samaritan Law upang tiyakin ang proteksiyon para …