Willie nagbigay katiyakan sa mga artistang nakakontrata sa AllTV — hindi namin kayo pababayaan 

I-FLEX
ni Jun Nardo

TULOY pa rin pala si Willie Revillame sa show niyang Wowowin sa AllTV.

Live na napanood namin si Willie sa kanyang show at sa episode last Monday, ipinakita niya ang ginagawang studio para sa kanyang show na nasa Star Mall na pag-aari ng Villar group of companies.

Nasabi ni Willie na inaayos ng Villar ang mga nakapirma ng kontrata sa kanila. Basta ang pahayag niya, “Hindi namin kayo pababayaan!”

Marami pang inaayos sa AllTV at isa na ang malakas na signal na aabutin ang malalayong probinsiya. Mga 800 to 1000 persons ang puwedeng pumasok sa bago niyang studio na hitech.

Ang pangako ni Willie lalo na sa followers niya sa social media, “Hindi namin kayo bibiguin at mananatili ang minahal ninyong programa na maraming natutulungan!”

Sinabi rin ni Willie na manatiling nakatututok sa kanyang show for more updates lalo na’t wala siyang social media account.