HATAW! D'yaryo ng Bayan hatawtabloid.com
HULI ang isang 18 anyos na kelot na listed bilang most wanted sa kasong statutory rape ang dinakip ng pulisya sa bisa ng warrant of arrest sa Valenzuela City, kamakalawa ng hapon.
Kinilala ni Valenzuela City police chief P/Col. Salvador Destura ang suspek na si Johnny Vacual, residente ng #18 B. Ilang-Ilang St., Brgy. Marulas ng nasabing siyudad.
Ayon kay Col. Destura, alinsunod sa kampanya ng PNP kontra wanted persons, nagsagawa ang mga operatiba ng Warrant and Subpoena Section (WSS) ng Valenzuela police sa pangunguna ni PLt Ronald Bautista ng manhunt operation in relation to S.A.F.E. NCRPO na nagresulta sa pagkakaaresto kay Vacual dakong 2:47 ng hapon sa kanyang bahay.
Si Vacual ay dinakip nila sa bisa ng warrant of arrest na inisyu ni Judge Abigail Santos Domingo-Laylo ng Family Court Branch 4, Malabon City noong January 24, 2023 para sa kasong Statutory Rape.
Pinuri naman ni Northern Police District (NPD) District Director PBGEN Ponce Rogelio Peñones Jr, ang Valenzuela CPS sa kanilang masigasig na operations kontra wanted persons na naging dahilan upang madakip ang akusado. (ROMMEL SALES)
