HATAW! D'yaryo ng Bayan hatawtabloid.com
HATAWAN
ni Ed de Leon
NAGKASUNDO na pala ang dalawang nagtitinda ng tuyo at tinapa. May video pa na dinalaw ni Matet ang nanay-nanayan
niya na siya mismong sumalubong sa kanya. Nagkasundo na nga silang dalawa. Wala namang dahilan talaga para mag-away sila kung pareho man silang magtinda ng tuyo at tinapa, marami namang gumagawa niyon.
Hindi namin alam kung paano sila nagkasundo, o sino ang gumawa ng paraan para magkasundo sila, wala namang sinabing iba eh bukod nga sa inilabas na video na nagkita sila. Ang importante nagkasundo na sila.
Siguro nga, masasabing petty ang naging dahilan ng kanilang problema. Naging magkakompitensiya lang sila sa pagtitinda ng tuyo at tinapa. Hindi mo masisi si Matet. Silakbo ng damdamin iyon eh. Isipin mong iyon pang kinikilala mong nanay ang makakakompitensiya mo? Kung fans ka nga naman, kanino ka bibili? Kay Nora ba o sa ampon ng superstar? Natural may epekto iyon sa negosyo ni Matet.
Pero siguro kalaunan ay naintindihan na rin niya na kailangan din namang kumita para mabuhay ang nanay-nanayan niya. Hindi na iyon makakanta. Hindi na rin iyon aktibo sa pelikula. Wala na rin namang tv show. Saan pa kukuha ng kabuhayan iyon, sa pension ng National Artist? Kaya kailangan din namang gumawa ng paraan si Nora at ano nga ba ang masama kung magtinda rin siya ng tuyo at tinapa?
Sana magtinda na rin siya ng atsara para complete meal na.
Bibili kami.
