HATAW! D'yaryo ng Bayan hatawtabloid.com
HATAWAN
ni Ed de Leon
HINDI na bagong balita dahil ilang araw na rin sa kanilang social media account na nanganak na si Jessy Mendiola ng panganay nila ni Luis Manzano, si Isabelle Rose Tawile Manzano, na tinatawag nilang Peanuthindi pa man ipinanganganak.
Nagluwal si Jessy bago pa mag-New Year pero inilabas lang nila sa social media noong isang araw. Siguro ayaw din naman nila ng magulo at marami pa ang pumunta o dumalaw sa ospital. Siguro gusto rin naman nilang ma-enjoy na kasama ang kanilang anak in private muna. Sabik din kasi sa baby at sa apo ang lola niyang star for all seasons.
Pero hindi iyan ang punto namin eh. Maliwanag din sa kuwento na hindi nagtagal si Jessy sa ospital. Matapos na manganak ay nagpalakas lang sandali at nakauwi na sila sa bahay kasama ang kanilang baby. Talaga namang ganoon na ngayon. Hindi na mahirap iyang panganganak. Doon nga sa isang government hospital ilang daang bata ang ipinanganganak sa araw-araw at akala mo OPD na lang eh kasi nakakalabas sila agad sa ospital matapos na manganak.
Diretsahan na, ano ang ipinupunto namin?
Naniniwala kami roon sa isang kaibigan namin, na nagkuwento sa aming nakita niya ang isang sexy star na nanganak sa isang ospital at matapos na magluw ay agad din namang pumirma ng waiver para hindi siya maging pananagutan ng ospital kung ano man ang mangyari, at nakauwi siya matapos lamang ang tatlong oras matapos na manganak, dala na ang anak niya.
Ginawa ngang parang OPD. Noong araw nga hilot lang eh, at sa bahay lang nanganganak ang babae. Buti pa nga iyan dinala sa isang private room ng ospital at doon nanganak. Iyong tatay naman ng bata, naiwan na lang sa sasakyan at parang naghintay na lang ng pasyenteng “nagpa-check up lamang.”
Aba eh mas matagal pa ang inilalagi ko sa ospital doon sa aking monthly check up kaysa naging panganganak ng sexy star eh.
