HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
AMINADO si JC Santos na may mga ilang eksena sa kanilang pelikulang Family Matters, official entry sa Metro Manila Film Festival 2022, na magsisimula na sa December 25 ang nakare-relate siya. Ito iyong napalayo sa mga magulang.
“Panganay kasi ako sa magkakapatid. Ang catch lang kasi sa akin, hindi ako lumaking may pamilya, kasi OFW parents ko.
“Seaman daddy ko, tapos my mom is an OFW sa America. So, 16 pa lang ako, ako na bahala,” kuwento ni JC sa isinagawang mediacon kamakailan.
Kuwento ni JC, naging pasaway din siya noong kabataan niya dahil wala siyang sinusunod na father figure, “So, naka-relate ako sa bunso part kasi bunso ako ng magkakaibigan. I grew up with friends, kapag sinabi nila na, ‘Hoy mali iyan, ah, don’t go on that path.’
“Kasi kapag parents ang nagsabi niyan, parang you hear na rebellious ka, susundin mo na lang.
“Kapag kasi kaibigan ang nagsabi sa iyo niyon, sasabihin mo, ‘Is that a challenge?’ So, lumaki ako na maraming bad decisions, maraming mistakes, I always learn the hard way.
“So, parang in a way, I liked the part of growing with friends kasi madali akong maging vulnerable. Kapag I think I can go on full-on emotional with them. So, I think ‘yun ‘yung advantage,” ani pa ni JC.
Ang Family Matters ay ukol sa pamilya ng mag-asawang Francisco, na ginampanan ng veteran actor na si Noel Trinidad, at Eleanor, na bibigyang-buhay naman ni Liza Lorena.
Gaganap namang mga kapatid ni JC sa movie sina Nonie Buencamino, Mylene Dizon, at Nikki Valdez.
Ito ay ipinrodyus ng Cineko Production, ang Family Matters ay idinirehe ni Nuel Naval at sa panulat ni Mel Del Rosario.
Showing na ito sa December 25 sa lahat ng sinehan nationwide.
