HATAW! D'yaryo ng Bayan hatawtabloid.com
ISANG biglaang pagkikita ‘yon na nauwi samatagalang pagkakaibigan.
Nagkaroon ng pagkakataon si Rep. Geraldine Roman na makadaupang palad si Charo Santos matapos manalo ang huli bilang best actress sa ikalimang edisyon ng The EDDYS ng Society of Philippine Entertainment Editors (SPEEd) noong Nobyembre 27 na ginanap sa makasaysayang Metropolitan Theater sa Maynila.
Sa hardin ng naturang lugar, nagkausap ang dalawa at tumuon pa ito sa kung paano isusulong ang kanilang mga indibidwal na adbokasIya.
Ilan sa mga adhikain ni Rep. Roman ay tungkol sa pagkakapantay-pantay (equality), Oh My Gulay! Healthy Na, May Kita Pa Program, Ecotourism, Farm to Market Road Project, Basic Digital Literacy Training.
Ang equality ay malapit din sa puso ni Charo na dating pangulo ng ABS-CBN.
Ang pagiging best actress sa 5th The Eddys ay pangalawa na niya para sa pelikulang Kun Maupay Man It Panahon. Nanalo rin siya sa parehong kategorya sa FAMAS.
Naging isang natatanging panauhin si Rep. Roman 5th EDDYs, na naging presenter sa segment na binigyang parangal ang ilang icons ng industriya ng pelikulang Filipino.
Samantala, nag-premiere noong Nobyember 30, 7:00 p.m. ang unang edisyon ng kanyang You Tube vlog, ang Geraldine Romantik.
Isa itong pagkakataon para makadaupang palad niya ang kanyang constituents at iba pang manonood bilang Bataan District 1 Representative.
Ang unang edisyon ay nakatuon sa temang “Let’s get to know Geraldine Roman.” Kilala siya bilang unang transgender na nahalal sa Kongreso na siya ngayon ang namumuno sa House Committee on Women and Gender Equality. (MVN)
