Friday , April 4 2025
PhilSys ID digital version

Pag-imprenta ng digital PhilSys ID, pinabibilisan

PINAMAMADALI ni Pangulong Ferdinand R. Marcos Jr., sa Philippine Statistics Authority (PSA) ang pag-imprenta ng digital version ng Philippine Identification System (PhilSys) ID.

“Let us print out as much as we can and then isunod natin ‘yung physical ID as soon as we can,” sabi ni FM Jr., sa pulong kasama si National Economic and Development Authority (NEDA) Secretary Arsenio Balisacan at mga opisyal ng PSA sa Malacañang, kahapon.

Tinalakay nila ang tungkol sa kapasidad ng pag-imprenta, at isa sa mga isyu na dinala ay ang “huling pagsisimula ng daloy ng datos at ang dami na mas mababa kaysa dapat.”

Ipinabatid sa Pangulo, na naitama na ang daloy ng datos mula sa PSA hanggang sa Bangko Sentral ng Pilipinas (BSP).

Inihayag ni PSA Undersecretary Dennis Mapa, ang PSA ay patuloy na makikipagtulungan sa BSP para mapabilis at mapataas ang volume ng Phil ID production at printing.

Nauna nang isinisi ng PSA chief ang pagkaantala sa pag-iimprenta ng mga national ID card sa pagdagsa ng mga nagparehistro sa PhilSys.

Nagsimulang ipatupad ang naka-print na digital na bersiyon ng Phil ID noong Oktubre.

Ang mga rehistradong tao ay maaaring agad gumamit ng mga benepisyo ng PhilSys sa pamamagitan ng naka-print na Phil ID, tulad ng mas mabilis at tuloy-tuloy na mga transaksyon sa pag-access sa mga serbisyong pinansiyal at panlipunang proteksiyon na nangangailangan ng patunay ng pagkakakilanlan, na napapailalim sa authentication.

Matatandaan naglaan ang gobyerno ng halos P30 bilyong budget para sa national ID system na nagsimula noong 2018. (ROSE NOVENARIO)

About Rose Novenario

Check Also

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …

Pamilya Ko Partylist inendoso sa Maynila

Pamilya Ko Partylist inendoso sa Maynila

INENDOSO at suportado nina Manila running councilor Pau Ejercito at Malou Ocsan ang Pamilya Ko …

Shamcey Supsup-Lee

Shamcey-Lee para sa Konseho sa Pasig, dinagsa ng suporta

LUMALAWAK ang suporta ng  kababaihan sa kandidatura  ni Shamcey Supsup-Lee bilang kinatawan ng unang distrito …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …