HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MATAGAL na palang sinimulan ang Call Me Papi ni Alvin Yapan pero kamakailan lang natapos at sa December 7 pa simulang mapapanood.
Na -shoot ang Call Me Papi noong nagsisimula pa lang kumalat ng Covid sa bansa kaya naantala ito dahil sa lockdown. Kaya laking tuwa ng buong cast na ipalalabas na ito sa wakas.
Napanood namin ang Call Me Papi sa isinagawang red carpet nito sa Megamall noong Biyernes at kahit paano ay natawa naman kami dahil sexy-comedy nga pelikulang ukol sa limang Papis na nagsama-sama sa iisang bubong.
Naguluhan lang kami dahil tila hindi alam ng direktor o ng writer kung paano tatapusin ang pelikula. Nanghihinayang din kami sa pelikula dahil maganda ang istorya hindi lamang nailatag ng tama.
Ang Call Me Papi ay pinagbibidahan nina Enzo Pineda, Albie Casiño, Lharby Policarpio, Royce Cabrera, atAaron Concepcion.
Si Enzo si Sonny, isang gym instructor na lapitin ng older women na nang mabisto ang pagiging kabit, nakitira sa apartment ng kaibigang si Lito.
Si Albie si Ben, nagtatrabaho bilang waiter sa restaurant. Na nang iniwan ng kanyang girlfriend matapos manganak, kinailangan ang lahat ng tulong para alagaan ang kanyang baby.
Sina Lharby at Royce naman ay mga call center agent na kapwa may itinatagong lihim.
Si Aaron si Roy, isang bartender. Hirap siya sa gastusin dahil siya ang bumubuhay sa kanyang pamilya sa probinsiya.
At habang hinaharap ng mga binata ang kanya-kanyang hamon sa buhay, sila-sila rin lang ang magtutulungan at hindi laging sagot ang inuman.
May aral na gustong ipahatid ang pelikula, hindi ang pagiging makasarili ang pag-aalaga at pagmamahal sa sarili.
Sabi nga ni Albie., “Sometimes when you’re dealing with a problem, you think that it’s a lot bigger than it actually is. But after you get through that problem, you realize that it’s not so big after all. Just give yourself a little more credit. You are stronger than you think you are.”
Ipalalabas sa mga sinehan ang Call Me Papi sa December 7. Kaya tawagan na ang inyong mga kaibigan at ‘wag itong palampasin. Handog ito ng Feast Foundation at Viva Films.
