HATAW! D'yaryo ng Bayan hatawtabloid.com
MA at PA
ni Rommel Placente
SO, talagang may relasyon na sina Julie Anne San Jose at Rayver Cruz, at hindi lang sila basta magkaibigan.
Sa ginanap na concert nila noong Sabado sa New Port Performing Arts Theate, ay nag-i-love you sa isa’t isa ang dalawa, na ikinakilig ng audience, lalo na nga ang kanilang mga tagahanga.
Sa kalagitnaan ng kanilang concert, doon sila ngsabihan ng ‘I love you.’
Si Rayver ang unang nagsabi niyon kay Julie Anne.
Sabi ni Rayver kay Julie Anne sa stage, “Naalala mo noong birthday mo, sinabi ko naman sa iyo kung anong nararamdaman ko. Gusto ko lang din iparinig sa kanila. Julie Anne San Jose, I love you. I love you so much.”
Naging speechless pansamantala si Julie Anne nang marinig ang sinabing ‘yun ni Rayver. Pero kapagkuwan ay sinabi niya na, “Ang dami nang nagbago sa buhay ko simula noong dumating ka. Kaya gusto kong sabihin, I love you, too.”
Pagkarinig nang sinabing ‘yun ni Julie Anne ay bigla siyang niyakap ni Rayver. Isang pagpapatunay na talagang sila na.
Pero hindi na kami nagulat, at kahit siguro ‘yung iba. 0bvious naman kasi na noon pa na halatang sila na, base sa kanilang mga kilos, ‘di ba?
