HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
“WE will see. We don’t know what to expect. it’s a good project, why not?” Ito ang itinugon ni Nadine Lustre nang maurirat sa kanya sa isinagawang media conference ng Metro Manila Film Festival entry nilang Deleter mula sa Viva Films at idinirehe ni Mikhail Red kung pwede pa ba silang magkasama o magkatrabaho ni James Reid.
Matagal nang hiwalay at hindi nagkakatrabaho sina Nadine at James pero marami pa ring fans nila ang umaasa na kahit sa pelikula o serye ay magkakabalikan o magkakasama muli ang dalawa.
Hindi naman isinasara ni Nadine ang posibilidad na magkasama sila ng dating BF at ka-loveteam dahil marami pa rin ang naghahanap sa kanilang dalawa.
“We will see. We don’t know what to expect. That’s what I’ve been telling everyone. If it’s a good project, why not? I’m a very collaborative person. Hindi naman kami magkaaway,” sambit ng dalaga.
Sa kabilang banda, excited at proud si Nadine sa kanyang first tehcno horror film lalo’t kasama sa MMFF na mapapanood sa Kapaskuhan.
“This is one project that I can say I’m really proud of. It’s different from the other projects I’ve done because this is my first full-length horror movie,” ani Nadine.
At ngayon lang pala gumawa ng horror movie si Nadine dahil, “I guess I just waited for the right project. A lot of my projects are drama and rom-com.
“Hindi talaga nangyayari ‘yung horror film. But I’ve been vocal about wanting to do other genres like action films, horror,” sambit pa ng dalaga.
Wish ni Nadine na maging effective ang papanakot nila nina Louise delos Reyes, McCoy de Leon, at Jeffrey Hidalgo sa Deleter na sa totoo lang gandang-ganda kami nang mapanood ang trailer nito.
Pero kung ayaw ninyong mabura, ‘wag kayong deleter or else baka mangyari sa inyo ang nakakikilabot na naganap sa grupo nina Nadine. Watch n’yo na lang para masaksihan ang magandang istorya ng Deleter sa December 25.
