HATAW! D'yaryo ng Bayan hatawtabloid.com
ALAM MO NA!
ni Nonie Nicasio
KASALUKUYANG nagsu-shooting sa Tacloban City si Julia Victoria para sa pelikulang Kabayo.
Bukod kay Julia, tampok din sa pelikula sina Rico Barrera, Angelo Ilagan, Apple de Castro, Francesca Flores, Ping Medina, at Paolo Rivero. Directed by Gian Franco, ito’y prodyus ng LDG Pinoyflix at ni Manuel Veloso.
Dito’y gumaganap si Julia bilang si Lorraine, isang anak mayaman na very liberated sa sex, to the point na handa niyang i-explore ang iba’t ibang bagay.
Palaban ang tisay na aktres sa kanyang mga sexy scenes dito. “Wala po akong limitations sa pagpapa-sexy. Okay lang maghubad basta may plaster lang po, basta kung ano ang makagaganda sa movie ay go po ako,” nakangiting sambit ni Julia.
Kumusta ang co-stars niya sa pelikula? “Ang babait nila, magagaling umarte and mga down to earth kasama… plus, very humble and friendly talaga, napakagaan sa pakiramdam ng mga kasama kong girls and mga boys, bilang magagaling at subok na silang artista. Mas marami rin akong natututuhan ngayon,” masayang tugon ng aktres.
Pagdating sa matitinding love scenes, ipinahayag ni Julia na napalaban siya sa tatlong barako sa pelikulang ito.
“So far, dalawa pa lang ang love scenes na na-shoot namin, ito’y kina Paolo Rivero sa car. At ‘yung love scene na isa pa, bale ‘yun ay threesome, kasama ko naman dito sina Angelo Ilagan at Rico Barrera.”
Mahirap bang i-shoot ang threesome and gaano kainit ang lampungan na ito? “Well, ang masasabi ko na lang, sa akin na lang ‘yun kung nakaramdam man ako ng pag-iinit ng katawan habang ginagawa namin iyon, hahahaha!
“Sa totoo lang, ang popogi kasi nila… Pero siyempre ay kailangan kong maging professional.
“Seriously, medyo mahirap siya kasi first time ko with two guys. Nahirapan ako, kasi medyo ‘di ko alam kung paano ‘yung galaw at kung paano siya mas magiging makatotohanang panoorin. Pero para sa akin, maganda ang pagkakakuha sa love scene na iyon. Kaya excited na rin akong mapanood itong movie naming Kabayo, very soon,” wika ni Julia.
