HATAW! D'yaryo ng Bayan hatawtabloid.com
NASAKTAN at nasugatan ang apat na miyembro ng isang pamilya nang tamaan ng kidlat ang kanilang bahay sa Sitio Racudo, Brgy. Talisay, bayan ng San Andres, nitong Lunes ng gabi, 21 Nobyembre.
Kinilala ng pulisya ang mga biktimang sina Marivic Urtal, 43 anyos; at kanyang mga anak na sina Annarose, 19 anyos; Annabel, 12 anyos; at Annamarie, 16 anyos, pawang mga estudyante at residente sa Sitio Racudo.
Sa imbestigasyon, maghahapunan ang mag-iina nang biglang tamaan ng kidlat ang kanilang bahay dakong 6:00 pm.
Dinala sina Marivic at kanyang mga anak sa rural health unit upang mabigyan ng atensiyong medikal at maobserbahan.
Nabatid na walang koryente at tanging flashlight mula sa mga cellphone ng mga biktima ang nagpapailaw sa kanila nang tamaan ng kidlat ang kanilang bahay.
