Solon, DSWD namahagi ng ayudang medical, burial

PINANGUNAHAN ni 1st district representative Rex Gatchalian ang pamamahagi ng medical at burial assistance sa mga Valenzuelano sa ilalim ng probisyon ng Department of Social Welfare and Development (DSWD) – Assistance to Individuals/Families in Crisis Situation (AICS).

Nasa 300 katao ang nakatanggap ng tulong medikal at 50 indibidwal ang nabigyan ng burial assistance ng lokal na pamahalaan.

Ang tulong medikal at burial cash na ibinigay sa mga benepisaryo ay magsisilbing suporta sa pagbabayad ng medical bills, pambili ng mga gamot, at gastusin sa burol.

Ang DSWD ay naging mahusay at mabisang support system ng pamahalaang lungsod ng Valenzuela sa pagtitiyak ng kagalingan ng mga nasasakupan nito.

Kasunod ng Memorandum Circular No. 02, Series of 2014 ng DSWD, ang AICS program ay bahagi ng kanilang malawak na programa na tumatalakay sa kanilang mga serbisyong proteksiyon para sa mahihirap, marginalized, at vulnerable/disvantaged na indibidwal.

Bukod dito, patuloy silang nagbubuo ng mga programa na naglalayong protektahan ang mga karaniwang tao mula sa mga sakuna at bigyan sila ng magandang kalidad ng buhay. (ROMMEL SALES)