Komentong butiki kay Heart ‘di pinalampas

MA at PA
ni Rommel Placente

BINUWELTAHAN ni Heart Evangelista ang isa niyang basher na pumula sa kanya sa Instagram.

Sa kanyang post kasi noong November 2, 2022, ibinahagi niya ang kanyang pag-mix and match ng damit.

Caption niya, “Season 3 na! Get ready with me [check, sparkle emojis]”

Halos lahat ng komento sa kanyang post ay positibo puwera sa isang naligaw na basher.

Sabi ng basher: “U look like butiki! Lol.”

At pinatulan na nga ito ni Heart. Aniya, sinubukan niyang maging kamukha ng butiki. Buti pa raw ang basher dahil wala itong kahirap-hirap maging mukhang butiki.

Sagot ni Heart sa kanyang basher, “Omg I really tried to look like that !!:) Buti ka pa effortless :)”

Nag-reply naman kay Heart ang basher. Sabi nito, “I don’t mean harm or bad way.”

Hindi na siya sinagot pa ni Heart.

Pero ang kanyang followers ang sumagot para sa kanya. Binatikos ng mga ito ang basher niya.