Ladine may regalong Pamasko sa mga Filipino

MATABIL
ni John Fontanilla

PAGKATAPOS ng maraming taon, muling binalikan ng The Voice of Asia at mahusay na singer at ngayon ay isa na ring composer na si Ladine Roxas-Saturno ang pag-awit.

At hindi lang isa, kundi dalawang kanta na parehong Christmas song na siya mismo ang nagsulat, ang Hiwaga ng Pasko at Miracle of Christmas na ayon kay Ladine ay nabuo niya noong kasagsagan ng pandemya dalawang taon na ang nakalipas, sa tulong at patnubay ni Maestro Vehnee Saturno na naging inspirasyon niya sa pagiging composer.

“Masuwerte tayo dahil nalagpasan natin ang nasabing pandemya na malakas, malusog, at buhay. Kaya sana ay  maramdaman ng bawat Pinoy sa buong mundo ang mensahe na hatid ng kanyang awitin at suportahan ito katulad ng pagsuporta ng mga Filipino sa mga iconic Christmas songs katulad ng ‘Christmas in our Hearts,’ ‘Sana ngayong Pasko atbp..”

Ang Hiwaga ng Pasko at Miracle of Christmas ay available sa Spotify, Amazon.com at iba pang digital  format at Produced by Vehnee Saturno.