Thursday , May 15 2025
BARMM DPWH

DPWH district office sa BARMM kinatigan 

UMANI ng malaking suporta ang panukala ni Pangulong Ferdinand Marcos, Jr., na magbuo ng district office ang Department of Public Works and Highways (DPWH) para sa Bangsamoro Autonomous Region in Muslim Mindanao (BARMM) matapos ang napakalaking pinsala sa rehiyon dulot ng bagyong Paeng.

Ayon kay Basilan Rep. Mujiv Hataman napakaraming daan at tulay ang napinsala sa pananalasa ng nakaraang bagyo, at marami rito ang hindi madaanan, bagay na nagpapahirap sa pagpapadala ng tulong sa mga mamamayang nasalanta ng kalamidad.

Binigyang diin ni Hataman, ang kahalagahan ng pagtatayo ng isang tanggapan ng DPWH sa BARMM na mangangasiwa hindi lamang sa pagkumpuni ng mga damaged infrastructure dulot ng bagyong Paeng, kundi pati na rin sa patuloy na implementasyon ng national projects na pinopondohan ng pamahalaan.

Noong nakaraang Kongreso, nag-file ang kongresista, kasama ang BARMM representatives ng isang resolusyon na humihiling magtayo ng National DPWH office sa BARMM.

Ito ay nakapaloob sa Resolution No. 333 na inihain kasama sina Datu Roonie Sinsuat Sr., at Esmael Mangudadatu ng Maguindanao, si Munir Aribson ng Sulu, si Rashidin Matba ng Tawi-tawi, si Yasser Balindong at Ansaruddin Adiong ng Lanao del Sur, at si Amihilda Sancopan ng Anak Mindanao, na pawang mga kinatawan sa 18th Congress noon.

“Nakita na natin noon na may kahirapan ang implementasyon ng national infrastructure projects sa BARMM dahil sa kawalan ng national office ng DPWH dito. Sayang lamang at hindi naisabatas o nagawa ang nilalaman ng ating resolusyon noon,” aniya.

“Isang praktikal na mungkahi ang pagbubuo ng district engineering office ng DPWH sa bawat lalawigan ng BARMM upang mapangalagaan ang mga pambansang daanan o national highways, kaya ito isinulong ng mga Bangsamoro representatives noong 18th Congress. Dahil iniiwasan natin na magturuan kung sino ang mangangalaga ng mga kalsada pagdating ng panahon,” ayon sa kongresista.

Hiniling ni Hataman sa 19th Congress at sa administrasyon ni Pangulong FM Jr., na ituloy ang pagtatayo ng DPWH District Engineering Offices sa bawat lalawigan ng BARMM para sa mga ganitong pagkakataon na kailangang magpatupad ng mga national projects sa BARMM, pangalagaan ang mga national roads and highways, at para sa mabilis na pag-responde sa ganitong mga pagkakataon.

“Para ito sa ikagiginhawa ng nga mamamayan sa Bangsamoro at sa ikauunlad ng ating rehiyon,” ani  Hataman. (GERRY BALDO)

About Gerry Baldo

Check Also

Alan Peter Cayetano

Oras ng pagboto, trabaho ng mga guro, kailangan ng agarang reporma — Cayetano

HINIKAYAT ni Senador Alan Peter Cayetano ang gobyerno nitong Lunes na magsagawa ng mga reporma …

Marikina Comelec

Kahit nanguna sa bilangan
MARCY TABLADO SA COMELEC
May DQ ka pa – en banc

TINABLA ng Commission on Elections (Comelec) en Banc ang proklamasyon ni Marcelino “Marcy” Teodoro bilang …

Comelec Pasig

Kasama ang 92-anyos kapatid at tumangging dumaan sa priority lane
101-ANYOS BOTANTE SA PASIG UMAKYAT SA 3/F PARA IBOTO MGA KANDIDATONG SINUSUPORTAHAN

KABILANG ang isang 101-anyos senior citizen sa mga pinakamaagang nagtungo sa San Miguel Elementary School, …

Comelec QC Quezon City

3 botante sa QC hinimatay sa matinding init

INIULAT ng Quezon City Disaster Risk Reduction Management Office (QCDRRMO) na tatlong babaeng botante ang …

Comelec Vote Election Hot Heat

Sa Pangasinan
Buntis na nagle-labor bumoto, senior citizen dedbol sa init

SA KABILA ng mga hudyat ng pagle-labor, nagawang bumoto muna ng isang buntis sa lalawigan …