HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MARAMI ang kinilig at nagtatalon sa sorpresang inihatid nina Joshua Garcia at Janella Salvador nang maghalikan ang dalawa noong Lunes sa primetime series na Mars Ravelo’s Darna.
Trending ang eksenang nagtungo si Black Brian (Joshua Garcia), ang “extra” na nag-i- impersonates sa totoong police officer na si Brian Robles sa opisina ni Regina (Janella) para bigyan siya ng red rose sabay sabing, “Sabi mo sa akin hindi ba liligawan mo ako. Hindi puwede sa akin ‘yon. Gusto ko lang sabihin sa iyo na ako na ang gagawa nun para sa ‘yo,” at saka bigla siyang hinalikan niBlack Brian.
Ang Mars Ravelo’s Darna ay idinidirehe nina Avel Sunpongco at Benedict Mique na napapanood mula Lunes-Biyernes sa Kapamilya Channel, Kapamilya Online Live, CineMo, iWantTFC, TFC, TV5, at A2Z.
Bago ang trending kissing scene, nagkaroon na ng tangkang paghalik si Regina kay Bryan. Hindi lamang iyon natuloy dahil hindi pumayag si Bryan na mahalikan siya ng lasing na si Regina. Ayaw din ni Bryan na isiping pinagsasamantalahan niya si Regine dahil sa kalasingan nito.
Nagulat naman si Narda (Jane de Leon) nang ibalita ni Regina na naghalikan sila ni Brian. Sinabi rin nitong in love siya sa police officer noon pa man.
