P .1-M shabu kompiskado
‘JOKING’ TIMBOG SA BUY-BUST OPS

NAKUHA ang mahigit sa P149,600 halaga ng shabu sa isang 32-anyos tulak sa isinagawang  buy-bust operation sa Valenzuela City, kamakalawa ng hapon.

Kinilala ni P/Lt. Joel Madregalejo, Station Drug Enforcement Unit (SDEU) chief ang suspek na si Jun-jun Setazate, alyas Joking, residente sa Brgy. Mapulang Lupa ng nasabing siyudad.

Sa pakikipag-ugnayan ng Philippine Drug Enforcement Agency (PDEA), SDEU team dakong 4:00 pm, isinagawa ang entrapment operation laban sa suspek.

Batay sa ulat ni P/Col. Salvador Destura, Jr., hepe ng Valenzuela City, nakuha sa suspek ang 22 grams ng shabu, isang P500 buy bust money, budol money na halagang P8,000 at P200 cash.

Nahaharap sa kasong paglabag sa Republic Act 9165 o “Comprehensive Dangerous Drugs Act of 2002.” (ROMMEL SALES)