HATAW! D'yaryo ng Bayan hatawtabloid.com
NAGLULUKSA ngayon ang mga mamamayan ng Marilao, Bulacan makaraang bawian ng buhay dahil sa aksidente ang kanilang alkalde sa lalawigan ng Pampanga nitong Linggo ng hapon, 9 Oktubre.
Hindi na umabot ng buhay sa pagamutan si Marilao Mayor Ricky Silvestre matapos bumangga ang sinasakyan nilang SUV sa Prince Balagtas Ave., Clark Freefort Zone, sa naturang lalawigan.
Sa panimulang imbestigasyon ng mga awtoridad, nabatid na nakatulog sa pagmamaneho ang driver ng alkalde na kinilalang si Rodel Alcantara na nagresulta sa pagbangga ng sasakyan nila sa poste dakong 5:40 ng hapon kamakalawa.
Dead-on-the spot si Silvestre samantalang sinusubukan pang i-revive ng mga manggagamot ang driver na nasa isang pagamutan sa Malolos, Bulacan gayundin ang sekretarya nilang kasama sa sasakyan na kinilalang si Karen Bonifacio na patuloy ding nilalapatan ng lunas sa ospital.
Sa kasalukuyan, nakaburol na ang labi ni Silvestre sa kanilang bahay sa Brgy. Patubig, Marilao habang patuloy ang isinasagawang imbestigasyon ng mga awtoridad sa nasabing insidente. (MICKA BAUTISTA)
