HATAW! D'yaryo ng Bayan hatawtabloid.com
RATED R
ni Rommel Gonzales
TRENDING ngayon ang kissing video ng What We Could Be stars na sina Miguel Tanfelix at Ysabel Ortega.
Naganap ang halikan sa recent guesting nila sa ‘Sarap, ‘Di Ba?
Sa show kasi hosted by Carmina Villarroel at ang twins niyang anak na sina Mavy at Cassy Legaspi ay nagkaroon ng tinatawag na Pa-Fell, Pa-Fall Challenge na segment sa araw na guest sina Ysabel at Miguel.
Ang challenge ay may papel na ilalaglag si Cassy sa magkaharap na mukha nina Ysabel at Miguel at sasaluhin nila ang papel gamit ang kanilang mga pisngi.
Tagumpay naman na nasalo ng dalawa ang papel.
Ang kaso, may round two pa ang challenge na pinapili sila ni Carmina kung ano ang gusto nilang gamitin na pangsalo sa papel; ilong, baba o nguso.
Nguso ang pinili ni Miguel dahil masakit daw kung ilong o baba ang kanilang gagamitin.
Halata namang nagulat si Ysabel sa pinili ni Miguel pero in-assure naman ng binata ang dalaga na masasalo nila ang papel.
Pero hindi nasalo nina Miguel at Ysabel ang papel kung kaya nagtama ang kanilang mga nguso kaya ang ending ay nag-lips-to-lips nang hindi sinasadya ang dalawa na kapwa nila ikinagulat at ikinatayo sa kanilang kinauupuan.
Dumagundong naman ang tilian at sigawan ng mga tao sa loob ng studio na obviously ay fans ng dalawa.
Ikinagulat at ikinatuwa naman nina Carmina, Cassy, at Mavy at ng guest nilang si Atak ang nangyari.
