Jeric at Rabiya nagyakapan nang magkita sa GMA 

RATED R
ni Rommel Gonzales

SPEAKING of kilig, kilig din ang hatid ng recent guesting ng Start-Up PH stars na sina Jeric Gonzales at Yasmien Kurdi sa TiktoClock.

Isa kasi sa mga host ng TiktoClock ay si Miss Universe Philippines 2020 at Sparkle artist Rabiya Mateo.

At alam ng lahat na kabi-break lamang nina Jeric at Rabiya, at una nilang pagkikita mula noong naghiwalay sila ay doon nga sa TiktoClock guesting nina Jeric at Yasmien.

At kahit hiwalay na ay sweetness overload ang napanood ng mga netizen sa dalawa na game silang nag-holding hands at nagyakapan sa pambubuyo na rin ng co-host ni Rabiya na si Pokwang.

After the episode ay nainterbyu si Rabiya at ayon sa dalaga ay wala silang naging ilangan ni Jeric sa muli nilang pagkikita.

“Masaya naman kasi unlike noong mga nakikita ng mga tao na articles sa social media, na minsan fake talaga.

“Minsan, kami nga ni Jeric, nagugulat na, ‘O, ito ‘yung mga sinasabi nila na may ganito tayo, may ganyan.’

“But at the end of the day, alam ko kami ni Jeric, we’re good friends. And, mas kilala namin ‘yung isa’t isa more than anybody around us. So noong nagkita kami sa ‘TiktoClock,’ wala talagang halong awkwardness.

“Magkaibigan kami, at hindi naman masama ‘yung nangyari sa amin kumbaga. So, we just had fun, and nakita ng audience ‘yun,” saad pa ni Rabiya.