HATAW! D'yaryo ng Bayan hatawtabloid.com
RATED R
ni Rommel Gonzales
IDINAAN ni Bea Alonzo sa kanyang Instagram account ang pasasalamat niya sa mga manonood ng Start-Up PH mula nang umere ito nitong Lunes, September 26 ng gabi.
“Mula sa Start-Up PH Family, MARAMING MARAMING SALAMAT po sa inyong pagsuporta and overwhelming reviews para sa aming show. Nakakakilig kayo,” sabi ni Bea sa kanyang IG post.
Ilang minuto matapos ang world premiere ng programa ay nanguna ito sa trending topics sa Twitter Philippines sa pamamagitan ng hashtag na #SUPHWorldPremiere.
Bukod dito, nakakuha rin ng mataas na ratings ang pilot episode ng Start-Up PH.
Sa tala ng NUTAM People Ratings (Nielsen Phils. TAM), nakakuha ng 9.7 percent na ratings ang bagong Kapuso program na mas mataas kompara sa mga katapat nitong programa sa ibang TV stations.
Sa Start-Up PH ay gumaganap si Bea bilang si Danica “Dani” Sison, at ang Asia’s Multimedia Star naman na si Alden Richards ay si Tristan “Good Boy” Hernandez.
Kasama nila rito sina Yasmien Kurdi bilang Katrina “Ina” Sizon/Diaz at Jeric Gonzales bilang Davidson Navarro.
Napapanood ang Start-Up PH Mondays to Fridays, 8:50 p.m. sa GMA Telebabad.
