Cristine namali ng balanse tumama ang likod sa sahig

SHOWBIZ KONEK
ni Maricris Valdez Nicasio

TATLONG beses nagpa-check-up ng likod sa isang espesyalista si Cristine Reyes dahil sa matinding pagkabagsak nito sanhi ng pagwo-work out.

Ibinahagi ni Cristine sa kanyang social media account ang dahilan ng pagkakaroon ng sakit sa likod. Ito iyong nagwo-work out siya na sinusubukan niyang tumayo ng pabaligtad na ang nakatukod ay ang ulo. Hindi naging maayos ang pag-headstand niya kaya naman nawalan siya ng balanse at tumama ang kanyang likuran.

Kaya naman matinding pananakit sa kanyang lower back ang naging sanhi ng masamang pagbagsak ng aktres kaya kilailangang magpa-check-up nito sa espesyalista. 

Ayon sa mga doktor na tumingin kay Cristine, nagkaroon siya ng mild disc bulge sa kanyang lumbar.

“Here I am today awesomely flipped over and slammed my back,” pagbabahagi ni Cristine.

“I have had 2 orthopedic surgeons check my lumbar MRI last week and a third opinion early this morning from an arthroscopic surgeon.

“I’ve been experiencing excruciating lower back pain. All 3 surgeons said the same thing,” paliwanag nito ukol sa kanyang kalagayan.

“I will be expecting a massive muscle spasm later for that classic fall I just recorded just now. Apparently, I have a mild disc bulge in my lumbar. At least, I now have prescription medz,” ani Cristine.

Marami sa mga kaibigan ni Cristine ang nagpahayag ng dasal sa mabilisang paggaling nito.