HATAW! D'yaryo ng Bayan hatawtabloid.com
NILINAW kapwa nina Karina Bautista at Aljon Mendoza na hindi nila iniwan ang showbiz. Anang KarJon naging abala lamang sila sa kanya-kanyang career pero hindi sila nawala.
Tiniyak pa ng dalawa na mananatili pa rin ang KarJon love team kahit may ginagawa silang iba-ibang shows sa ABS-CBN.
“I don’t think na ito ang pagbabalik kasi hindi kami talaga nawala. Mas passion ko kasi ‘yung hosting kaya ako talaga nagtuloy-tuloy sa pagho-host ng ‘Bida Star’ at ‘Star Hunt’ auditions,” ani Karina sa naganap na mediacon para sa season 3 ng iWantTFC romcom series na Hoy Love You.
“Happy naman kami kasi nagkakaroon kami ng workmates na iba’t ibang tao. Nagkakaroon kami ng opportunity mag-grow at saka makapag-explore. Tingnan natin, for sure, marami pa kaming projects na gagawin together,” sambit naman ni Aljon.
Samantala, three times the fun at kilig ang handog nina Joross Gamboa at Roxanne Guinoo-Yap sa pag-welcome nila ng kanilang unang baby sa season 3 ng iWantTFC original series na Hoy, Love You.
Mapapanood ito nang libre sa iWantTFC app (iOs and Android) at website (iwanttfc.com) ngayong Setyembre 30. Libre rin ang lahat ng episodes ng seasons 1 at 2 na available pa rin sa iWantTFC. (MVN)
