HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MULING nakatanggap ng Best Actor award si Sean de Guzman mula pa rin sa pelikulang Fall Guy. Ito’y mula sa Anatolian Film Awards sa Turkeybilang Best Actor Feature Film.
Unang nakakuha ng international award si Sean nang itinanghal ding Best Actor sa Chithiram International Film Festival sa India para sa pelikulng Fall Guy.
Ang Fall Guy ay ipinrodyus ng 3:16 Media Network ni Len Carillo at ng Mentorque Productions ni Bryan Dy.
Sa kasalukuyan, mapapanood si Sean sa Relyebo kasama sina Christine Bermas at Jela Cuenca na hatid pa rin ng Vivamax.
Ayon kina Christine at Jela mas naglalagablab at mas magiging palaban sila rito sa Relyebo kompara sa Island of Desire na una nilang pinagsamahan.
Ang Relyebo ay isang sexy-thriller movie na ipinrodyus ng cult director na si Roman Perez Jr. at idinirehe ni Crisanto Aquino.
Gagampanan ni Christine si Amor, isang saleslady na ka-live in ni Sean (Jimmy), na isa namang security guard.
At dahil sa gabi ang trabaho niya at sa araw naman ang trabaho ni Christine nagkikita lang sila sa umaga pagdating.
Si Jela naman ang gaganap na misteryosang babae na nakatira sa condominium na pinagtatrabahuan ni Sean bilang security guard.
“Maganda ‘yung role ko kasi mahiwagang babae si Miss F. Unlike other condo tenants na regular ang schedules ng pag-alis at pag-uwi, si Miss F, erratic ang schedule kaya naiintriga lalo si Jimmy.
“Ako naman, napansin ko agad na pinagpapantasyahan niya ako and willing akong makipaglaro sa kanya.
“I invite him to my bed pero may matutuklasan siya about me and my work at ito ang siyang babago sa takbo ng buhay niya,” ani Jela sa isinagawang mediacon.
Ani Sean sa kanyang karakter, “‘Yung character ko rito, hindi satisfied sa live in partner kong si Christine na mabait na, sexy pa, kaya naghanap pa ng iba.
“Nabo-bore kasi siya sa trabaho niya as security guard sa condo kaya ayun, nagpa-fantasize siya about ‘yung sexy tenants na nakikita niyang dumaraan sa harapan niya.
“At ‘yun, na-involve siya kay Jela without knowing na mapanganib pala ang babaeng ito at magdudulot ng kaguluhan sa buhay niya.”
At nang matanong ang award winning actor sa kung ano ang natutunan niya sa pelikulang Relyebo. “Siguro, the message is dapat matuto kang makuntento with what you have.
Bukod kina Sean, Jela, at Christine kasama rin sa pelikula sina Jeric Raval, Lara Morena, Carlene Aguilar, Jeffrey Hidalgo, at Juliana Parizcova Segovia. Mapapanood na ang Relyebo sa Vivamax simula sa October 14.
