HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
TIYAK na marami ang matutuwa sa espesyal na regalo ni Sen Bong Revilla Jr sa kanyang mga tagasubaybay kaugnay ng kanyang 56th birthday, ang Alyas Pogi Birthday Giveaway sa Setyembre 25, 2022, Linggo, 6:00 p.m..
Pangungunahan ni Sen. Bong ang naturang live program, ang Alyas Pogi Birthday Giveaway na mapapanood sa www.facebook.com/bongrevillajr.ph.. Makakasama niya rito ang asawang si Lani Mercado-Revilla at ilan sa pamilya, na magdaragdag-saya sa programa.
Bukod sa sayang handog ng pamilya Revilla, kaabang-abang ang mga ipamamahaging premyong inihanda ni Sen. Bong bilang pasasalamat sa malakas niyang pangangatawan at walang tigil na biyaya—hindi lang sa kalusugan kundi sa kanyang buong pamilya.
Sa pagtutulungan ng mga sponsor, malalapit na kaibigan, ilang negosyante at iba pa, magbibigay sila ng isang brand new car na highlight ng programa.
Mayroon ding 10 motorsiklo, laptop, cash prizes na P100k, P50k, P20k, at P10k sa mga mapipili at hindi bibitiw sa panonood.
Hindi lang ‘yan, magwawagi rin ang may (500) katao ng tig-P1k.
Taon-taong ginagawa ni Sen. Bong ang mamahagi ng cash at gadgets. Tradisyon na ng pamilya Revilla na mamahagi tuwing sasapit ang kaarawan ni Alyas Pogi.
Talagang kakaiba sa darating na Alyas Pogi Birthday Giveaway dahil mas bongga ang mga premyo.
“Walang ibang gagawin kundi tumutok sa programa, sumali sa mga palarong madadali lang at may tsansa na kayong manalo ng bagong kotse, mga motorsiklo, at marami pang iba,” ani Sen. Bong.
