Lolong waging Best Primetime Serye 

RATED R
ni Rommel Gonzales

PATULOY sa pag-ani ng tagumpay ang Kapuso adventure-serye na Lolong na pinagbibidahan ni Ruru Madrid. 

Kamakailan ay kinilala ang programa bilang ‘Best Primetime Serye’ sa Gawad Pilipino 2022 Icon Awards. Ito ang kauna-unahang award na na nakuha ng top-rating na show na kinabibilangan din nina Shaira Diaz, Arra San Agustin, Christopher de Leon, Jean Garcia, Rochelle Pangilinan, at Paul Salas.

Nagbubunga na ang hard work at dedication ng cast at production team. Bukod sa pamamayagpag nito sa ratings, heto nga’t wagi na ito bilang Best Primetime Serye. Pawang magaganda rin ang feedback na nakukuha ng Lolongtungkol sa husay ng mga cast at ganda ng kuwento ng show.

Wala yatang episode na walang paandar ang serye. Ito ngang mga susunod na tagpo ay dapat talagang abangan. Kung kailan kasi nagkakamabutihan na sina Lolong (Ruru) at Elsie (Shaira), gagawa na naman ng gulo itong si Martin (Paul). Naku, paano na kaya haharapin ni Lolong ang mga Banson gayong nalaman na ni Armando (Christopher) na maaaring maging isang Atubaw ang isang tao kapag nasalinan siya ng dugo mula sa punong buwaya?