James magpapogi uli para umangat ang career

HATAWAN
ni Ed de Leon

ALAM ba ni James Reid na ang isa sa dahilan kung bakit sumikat siya nang husto noong una ay dahil pogi siya? Totoo iyan ha, kaya siya pinagkaguluhan ng fans noong una pa ay dahil pogi siya, maporma ang katawan niya, at kahit na hindi siya masyadong matangkad, ok na iyon.

Kung iisipin nga ninyo eh, matagal na iyang si Nadine Lustre sa Viva, hindi naman  masyadong pansin. Noon lang makatambal niya si James kaya siya umangat, kasi nga pansinin ng tao si James dahil sa hitsura niya.

Nagkasunod-sunod na ang kanilang mga proyekto, na bagama’t hindi naman kagandahan, kumikitang lahat dahil sa kanilang personalidad. Noong ihiwalay nila si Nadine kay James, hindi ba dalawang sunod na bagsak iyon?

Maliwanag na si James ang nagdadala ng love team, kasi pogi siya. Eh ngayong pinabayaan na niya ang hitsura niya, mababa rin ang kanyang career. Kung gusto niyang umangat ulit, magpa-pogi siya.