HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
MALAYO na talaga ang narating nina Angeli Khang at Jela Cuenca simula nang magsama sila sa kanilang unang pelikulang Taya. Kasama ni AJ Raval, sila ay tinawag na VMX Crush o Viva’s Maximum Crush. Hindi nauubusan ng bagong ipinakikita ang dalawa sa bawat pelikula na kanilang ginagawa. Tulad dito sa bagong handog nila, ang Girl Friday na tiyak marami ang aabangan sa Setyembre 30.
Ayon kay Angeli, ibang-iba ang role niya sa Girl Friday dahil hindi ito iyong karaniwang napapanood sa mga nagawa niyang pelikula.
“Nakakatuwa po ang role ko rito kasi, usually, I played pokpok roles in my recent projects but dito, mayaman ako as the young wife of a rich politician, played by Kuya Jay Manalo. So sosyal ang dating ko rito, laging bihis na bihis at may suot na mga alahas,” masayang pagbabahagi ni Angeli sa kanyang role sa isinagawang zoom conference.
Proud din si Angeli sa istorya dahil aniya, maganda. “Pareho kaming inaapi rito ni Jela ng mga asawa namin kaya naman may ginawa kami para makaganti.”
Sa kabilang banda, nasabi ni Angeli na gusto niyang sumubok ng ibang klase ng pelikula tulad ng action. “Para maiba naman. But I’m happy and it’s an honor for me to work with good directors like Brillante Mendoza, Mac Alejandre and now, Direk Joel. I want to thank them for giving me roles na akala ko hindi ko mapo-portray pero nagawa ko naman pala with their help.”
Sa pelikula, gagampanan ni Angeli ang karakter ni Amor, asawa ng babaerong politiko (Jay Manalo) na halos doble sa kanyang edad.
Kasama rin sa pelikula si Massimo Scofield. si Jojo, na nambubugbog ng asawa at nang makulong sa salang pagnanakaw, ang misis naman ang sumaklolo sa kanya.
Si Jela si Carmela na sa kabila ng pananakit ni Jojo, lalapitan niya si Amor para palayain ito sa kulungan. At bilang kapalit, sasang-ayon ito sa kundisyon ni Amor na akitin si Congressman Ibasco at makisiping sa kanya.
Ang Girl Friday ay idinirehe ni Joel Lamangan at mapapanood na sa Vivamax sa Sept. 30.
