Markus nilinaw ‘di siya nananakit ng babae

MA at PA
ni Rommel Placente

IDINENAY ni Markus Paterson na nananakit siya ng babae.

Ito ang reaksiyon niya matapos makabasa ng tweets na inaakusahan siyang nananakit ng babae.

Walang pinangalanan si Markus, pero mahihinuhang may nakarating sa kanyang akusasyong pinagbuhatan niya ng kamay ang dating nakarelasyon na si Janella Salvador.

Nag-tweet si Markus para nga itanggi na nananakit siya ng babae.

Mensahe niya published as it is, “saw some tweets circulating. FACT: I have NEVER, and WILL never lay my hands on a woman. My parents raised me right. I’ll address the rest on the podcast.”

Sa tweet na ito ni  Marcus, isa itong pagpapaliwanag na hindi niya sinasktan si Janella, ‘di ba?

Hanggang ngayon ay wala pa ring pag-amin sina Markus at Janella na hiwalay na sila. Pero lumalabas na may katotohanan ito matapos kompirmahin ni Janella na isa na siya ngayong single mom.

Sinabi ito ni Janella sa vlog ni Bernadette Sembrano na in-upload noong September 3, 2022.

Samantala, sa isa ring recent vlog na kasama si Markus, nagbitaw ang aktor ng maanghang na pahayag na huwag mag-date ng babaeng taga-showbiz.

Sabi niya: “P*t*ng i*a, kung may lessons ako sa mga relationships ko, never to f*ck*ng date someone in the industry.”