HATAW! D'yaryo ng Bayan hatawtabloid.com
TINIYAK ng abogado ni Deniece Cornejo na si Atty. Ferdinand Topacio na hindi uurong o magdadalawang-isip ang kanyang kliyente para ituloy ang kaso nito laban kay Vhong Navarro.
“Well based on my latest conversation with her over the phone, she’s determined to see this thing through,” paniniyak ng de kampanilyang abogado.
Nang kumustahin naman namin si Deniece ukol sa bagong development ng rape case nito kay Vhong, sinabi ni Atty Topacio na, “She’s okay, she’s in good spirits.”
Sa media conference ng Mamasapano na ipinrodyus ng kanyang film outfit na Borracho Films na isinagawa kahapon ng hapon, sinabi ng abogado na, “Sabi niya, she has placed her faith in the Lord and the Lord has delivered her and vindicated her.
Sinabi pa ni Atty. Topacio na ngayon lang ulit nabubuong muli ang buhay ni Deniece matapos nga ang kontrobersiyal na kaso nila ni Vhong na nagsimula pa noong 2014.
Wala naman nang balak mag-artista si Deniece ayon sa abogado.
“Parang ayaw na niya, eh. I think she’s happy where she is. Nakatapos siya ng mga kurso and she has placed her life in the service of the Lord,” anito.
Sa kabilang banda, masaya si Atty. Topacio na sa wakas ay maipalalabas na sa sinehan ang pelikulang Mamasapano. Naghahanap na sila ng playdate at malamang maipalabas ito bago ang Metro Manila Film Festival.
Ayaw naman daw niyang isali ito sa MMFF dahil malungkot ang tema ng pelikula bukod pa sa may pagka-bayolente ito.
Ang Mamasapano ay tungkol sa SAF 44 soldiers na na-massacre sa Mamasapano sa Maguindanao noong 2015. Pinagbibidahan ito ni Edu Manzano at idinirehe nina Lester Dimaranan at Law Fajardo. (MVN)
