Nabitiwan ng kapatid
BABY GIRL NAHULOG SA TRIKE, NASAGASAAN NG JEEPNEY PATAY 

SA HINDI malamang dahilan, humulagpos sa kamay ng nakatatandang kapatid ang isang 12-buwang sanggol na babae saka nahulog sa sinasakyang tricycle at nasagasaan ng pampasaherong jeepney sa J. Sumulong Ave., Brgy. Bagumbayan, Teresa, Rizal, nitong Biyernes ng umaga, 2 Setyembre.

Nabatid sa imbestigasyon ng Teresa MPS, dakong 10:30 am, tinatahak ng tricycle na minamaneho ng ama ng mga bata ang highway nang biglang mahulog ang bata mula sa loob.

Ayon sa Teresa MPS, angkas sa likod ng motorsiklo ang ina ng mga bata habang nasa loob ng side car ang tatlong magkakapatid.

Hawak ng isa sa mga bata ang biktimang nalaglag sa hindi matukoy na dahilan saka bumagsak sa kalsada at nasagasaan ng isang pampasaherong jeepnney.

Naitakbo sa pagamutan ang sanggol ngunit idineklarang dead on arrival ng doktor.

Samantala, nasa kustodiya ng Teresa MPS ang ama ng biktima at driver ng jeep para sa imbestigasyon.