Khalil at Gabbi nagliliwaliw sa US 

I-FLEX
ni Jun Nardo

NAGLILIWALIW sa Amerika ngayon ang showbiz couple na sina Gabbi Garcia at Khalil Ramos. Inilabas ni Gabbi sa kanyang Instagram ang pamamasyal nila ng boyfie sa Disneyland.

Lubos ang pasasalamat ni Gabbi sa kanyang mga magulang na payagan siya sa mahabang bakasyon kasama ang boyfriend.

Eh ang ikinalulugod pa ng  Kapuso actress, inayos nito ang flight schedule niya para maasikaso sila ni Khalil sa kanilang flight, huh! Isang flight attendant ang mother ni Gabbi.

“I am blessed to have parents who are allowing me to grow on my own,” bahagi ng appreciation post ni Gabbi sa magulang na inilabas niya sa kanyang Instagram.