HATAW! D'yaryo ng Bayan hatawtabloid.com
HATAWAN
ni Ed de Leon
PINABORAN ni dating presidential spokesman at natalong senador na si Harry Roque si Senador Robin Padilla na naghain ng panukalang batas na kilalanin na ang same-sex marriage. Sinabi pa ni Roque na walang probisyon sa saligang batas na nagbabawal dito. Ang nagsabi lang daw na ang kasal ay “sa pagitan ng lalaki at babae” ay ang umiiral na Family Code.
Ibig niyang sabihin, isang simpleng batas lamang ang kailangang makalusot sa Kongreso para makapagpakasal na ang lalaki sa lalaki, babae sa babae, at kung ano pa. Kailan naman kaya makagagawa
ng batas na ang tao ay maaari nang pakasal sa baboy, sa aso o sa manok?
Itinatakda ng panukalang batas na iyon na ang tumanggi raw na magkasal sa same sex ay mapaparusahan sa ilalim ng batas. Paano ang mga relihiyon na hindi kumikilala sa same sex marriage? Hindi ba’t nasa saligang batas din na kailangang igalang ang relihiyon at walang batas na makapipigil niyon?
Hindi dapat na ipilit iyan, halimbawa sa simbahang Katoliko, at sa pananampalatayang Muslim din dahil bawal iyan sa kanila.
Nakatatakot iyan kung ipipilit, dahil hindi na natin matitiyak kung ano pa ang magiging kasunod niyan. Marami na kaming nakitang mga taga-showbusiness na nagpakasal pa sa abroad, tapos naghiwalay din. May gagawin din ba silang batas na papayagang mag-divorce ang mga lalaki sa lalaking nagpakasal tapos hindi na nagkasundo? Papayagan din ba ang mga tomboy na mag-divorce? Gumawa muna sila ng batas na kumikilalang legal ang mga transgender. Pero tandaan ninyo, iyang mga transgender ay nakapagpapalit lamang ng
kanilang sexual organs, pero nananatili sila kung ano sila sa internal organs nila. Hindi puwedeng makabuntis ang transman. Hindi rin puwedeng mabuntis at manganak ang transwoman.
