P68-K shabu nasamsam ng mga parak sa 2 suspek

TIMBOG sa shabu ang isang 45-anyos na babae at 22-anyos na lalaki makaraang kumagat sa buy bust operation ng Station Drug Enforcement Unit (SDEU) sa Navotas City kamakalawa ng gabi.

Kinilala ni P/Col. Dexter B. Ollaging, chief of police ng Navotas City ang mga suspek na sina Lea Rodriguez, 45 anyos, at si Roniel Olivar, 22 anyos, kapwa residente sa Barangay San Jose, ng nasabing lungsod.

Batay sa ulat ng pulisya, dakong 10:00 pm kamalawa nang maaresto ang mga suspek sa Bagong Silang St., Brgy. San Jose ng nasabing lungsod.

Nasamsam sa mga suspek ang anim na piraso ng heat-sealed transparent plastic sachet na may lamang hinihinalang shabu, limang piraso ng P100, ginamit bilang buy bust money, tatlong piraso ng P100 na nagkakahalaga ng P300, narekober na pera at isang piraso ng itim na coin purse.

Ang mga nasamsam na hinihinalang shabu ay tinatayang may timbang na 10 gramo, tinatayang may halagang P68,000 base sa DDB value.

Nahaharap ang mga suspek sa kasong paglabag sa Section 5 (Sale of Dangerous Drugs) at Section 11 (Possession of Dangerous Drugs), Article II, R.A 9165. (ROMMEL SALES)