Jillian sobrang na pressure sa bagong serye (dahil sa pagiging surgeon)

I-FLEX
ni Jun Nardo

MAS matindi ang pressure na naramdaman ng Sparkle artist na si Jillian Ward sa launching series niyang Abot Kamay Na Pangarap.

Kinailangan kasi niyang memoryahin ang medical terms sa ilan  niyang dialogues dahil surgeon ang role niya.

“Kailangan naming mag-immerse sa ospital. Nanonood kami ng operasyon at ‘yung medical terms, kailangan tama.

“Hindi ito kagaya sa character ko sa ‘Prima Donnas’ na ginagamit araw-araw ang sinasabi,” pahayag ni Jillian sa zoomcon ng series.

Maging ang ibang cast na doctors at nurses ang characters, sumailalim sa training. Ayon nga sa director nitong si LA Madridejos, may nakabantay na doctor sa taping bilang consultant dahil ayaw nilang magkamali sa sinasabi nila na may kinalaman sa medisina.

Kabilang sa cast ng Abot Kamay na Pangarap na magsisimula sa September 5 sa GMA Afternoon Prime ay sina Richard Yap, Dominic Ochoa, Andre Paras at iba pa.