Fans nabahala sa pagkonsulta ni Dawn sa physical therapist

HATAWAN
ni Ed de Leon

MAY lumabas na social media post si Dawn Zulueta na komunsulta siya at nakipag-session sa isang physical therapist. 

Siyempre nag-alala naman agad ang fans. Napilayan ba si Dawn? Ano ang problema?

Mabuti naman na niliwanag agad niya, wala namang problema sa kanya, kaya lang naisip niya na siguro dapat siyang makipagkita sa isang physical therapist para mai-correct kung ano man ang problema niya sa kanyang back bone. Natural naman na kung nagkaka-edad ang isang tao, kailangan iyang ma-check agad, at para sa kanya, hanggang maayos pa sige na kaysa hintayin niyang mahukot pa ang kanyang tayo.

Kahit medyo madalang ang projects ngayon ni Dawn, inaalagaan pa rin niya ang kanyang hitsura dahil alam naman niya ang isang artista, kailangang laging maganda sa paningin ng kanyang fans.