Xian magdidirehe ng anniversary episode ng Wish Ko Lang

I-FLEX
ni Jun Nardo

PINASOK na rin ng actor na si Xian Lim ang pagdidirehe sa TV.

Naatasan si Xian upang idirehe ang isa sa anniversary episodes ng GMA’s Wish Ko Lang. Wala pang inilabas na detalye ang Kapuso Network sa kuwento ng programa na ididirehe ng aktor.

Nagpasalamat si Xian sa tiwalang ibinigay ng network sa pagkakataong magdirehe sa TV.

Sa totoo lang, ang aktor naman ang director ng isang Viva movie na si Janno  Gibbs ang bida.

Super proud siyempre ang girlfriend nitong si Kim Chui dahil sa bagong TV directorial job bukod sa movies at music video.

Eh dahil isang episode lang ang idinirehe ng aktor, nakakapag-taping din siya ng bago niyang Kapuso series na Frozen Love.